AgroKaz 
Бүгін М. Дулатов атындағы Қостанай инженерлік-экономикалық университетінде KEnEU International Week 2025 Халықаралық апталығы басталды. Бұл іс-шара халықаралық ғылым, білім беру және мәдениетаралық ынтымақтастықтың дамып келе жатқан рөлін айқындайтын маңызды оқиға болып табылады.
Сербия, Греция, Хорватия, Түркия, Испания, Германия, Иран және Қазақстаннан келген қонақтарды қазақтың дәстүрлі қонақжайлылығы негізінде қарсы алды. Оларға ұлттық әшекейлер, қолөнер бұйымдары және серіктес университеттердің жұмыстарынан құралған көрме ұсынылып, қонақтар еліміздің мәдениетімен жақынырақ танысуға мүмкіндік алды.
Бұдан бөлек, қатысушылар «AGROTECH 2025: Ауыл шаруашылығы мен агроэкологиядағы инновациялар» көрмесін тамашалады. Онда агроэкология саласындағы ең жаңа шешімдер, цифрлық технологиялар және тұрақты ауыл шаруашылығына арналған әзірлемелер таныстырылды. Апта бойы Еуропа мен Азиядан келген ғалымдар тұрақты даму перспективаларын, инновациялар, агроэкология және жоғары білім берудегі цифрландыру мәселелерін талқылайтын болады.
